Олунньу 4 күнүгэр, М
09:02 05.02.2026 16+
Олунньу 4 күнүгэр, М.К. Аммосов аатынан култуурунай уонна духуобунай сайдыы дыбарыаһыгар "Кэрэни кэрэхсиир Эҥсиэли кэскилэ" улуус үөрэҕин тэрилтэлэрин икки ардыларыгар ыытыллыбыт оҕо уус-уран самодеятельноһын көрүү гала-кэнсиэрэ үрдүк таһымҥа буолан ааста.
Тохсунньу 26-30 күннэригэр ыытыллыбыт бастакы көрүү- куонкуруска уопсайа 24 оскуолаттан, 29 оҕо уһуйааныттан 1650 оҕо көхтөөх кыттыыны ылла.
Тэрийээччилэр бэлиэтээбиттэринэн, 5 күн устата бииртэн биир үчүгэй нүөмэрдэр киэҥ көрүүгэ тахсыбыттар, оҕолор талааннара дьүүллүүр сүбэни сөхтөрбүт, саҥа ааттар, чаҕылхай талааннар арыллыбыттар. Маннык куонкурустар оҕону бары өттүнэн сайыннараллар, инники олоҕор бэлэмнииллэр.
Оскуолаларга уопсай түмүк
1-кы бөлөх оскуолаларга:
1 м. – Хатыҥ Арыы орто оскуолата,
2 м. – Нам 1№-дээх орто оскуолата,
3 м. – Нам улууһунааҕы гимназия.
2-с бөлөх оскуолаларга:
1 м. – Хамаҕатта саха-француз лиссиэйэ,
2 м. – 1 Хомустаах орто оскуолата,
3 м. – Нам 3№-дээх орто оскуолата.
3-с бөлөх оскуолаларга:
1 м. – Партизан орто оскуолата,
2 м. – Үөдэй орто оскуолата,
3 м. – 2 Хомустаах орто оскуолата.
4-с бөлөх оскуолаларга:
1 м. – Түбэ орто оскуолата,
2 м. – Көбөкөн орто оскуолата, Модут орто оскуолата,
3 м. – Бөтүҥ орто оскуолата.
5-с бөлөх оскуолаларга:
1 м. – Никольскай оскуолата,
2 м. – Искра оскуолата,
3 м. – Маймаҕа оскуолата.
Бу куонкуруска оҕолор олус сөбүлээн кытыннылар. "Кэрэни кэрэхсиир Эҥсиэли кэскилэ" оҕо уус-уран самодеятельноһын көрүү-куонкурус үгэс быһыытынан сыл аайы ыытылларын тэрийээччилэр иһитиннэрдилэр.
Маннык тэрээһин оҕо билии эрэ өттүнэн сайдыбакка, айылҕаттан бэриллибит дьоҕурун, сатабылын киэң эйгэҕэ таhааран көрдөрөрүнэн олус кэрэхсэбиллээх.
Оскуола оҕолорун кэнсиэрин И.С. Гаврильев аатынан Нам 1-кы оскуолатын үөрэнээччитэ Святослав Барабанов хаартыскаҕа түһэриилэрэ туһанылыннылар.
"Нам улууһа" МО пресс-сулууспата
#НавигаторыДетства
#ДОПрожектор
#Центрдетскихинициатив
#КэрэникэрэхсиирЭҥсиэликэскилэ
Оставить сообщение: